- 225 -

1361. Nov. 28. Liegnitz.

Herzog Wenzel gelobt, seine getreuen Bürger und Rathleute zu Liegnitz, die ihm mit 400 Mark zum Ankauf der Brücken- und Schwarzwasser-Mühle verholfen haben, 2 Jahre nicht um Beden anzugehen.

Wir Wenczlaw der erste von gotis gnaden herczog in Slezien vnd herre czu Legnicz bekennen offinlich mit desim briue alle den, vor den er wirt gelezen, daz vns vnse lyben getruwen burger vnd ratlute czu Legnicz von der stat wegin geholfen han mit vire hundirt marken, domit wir gekouft han dy Brocken mol vnd dy mol vf dem Swarczen wassir czu vnsirs houes notdurft vns vnd vnsern erben vnd rechten nachkomelingen, dorumme so globe wir in guten truwen ane argelist, daz sy fry vnd ledig sin sullen allir bethe, beswerunge, vorsaczunge vnd allir hulfe von sente Mertins tag, der nv nest vorgangen ist obir czwey gancze jar, vnd globen yn das stete vnd gancz ane argelist czu halden vnd sy do by czu lasen; des czu eyner grosern sichireit habe wir yn desin brif geheysen geben vorsigilt mit vnsem anhangenden ingesigil. Gegebin czu Legnicz an dem suntage alz man in der heyligen kirchin singit Ad te leuaui, nach Cristi geburt driczenhundirt jar in dem eyn vnd sechczegisten jare.

O. d. St. L. No. 101. An Pergamentstreifen das Wappensiegel in rothem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866